المخطط الأسبوعي - V2

خصم 25% لما تستخدم كود NHMV2

في بداية السنة.. كنت بحاول ألتزم وأخطط زي أي حد بيحاول يظبط حياته

وكنت بدور على planners كتير تساعدني زي ما دماغي محتاجة بالظبط..

بس كان فيه مشكلة مستفزة جدًا..

حسيت إن مفيش planner متصممة لناس دماغها مليانة فعلًا🫠

كلهم نفس المشكلة تقريبًا:

عدد مهام قليل جدًا

مساحة كتابة صغيرة

مفيش رؤية للأسبوع كله في مساحة أقدر أشوفها بعيني

مفيش تنظيم فلوس صح وواعي

والأسبوع بيعدي من غير ما أحس إني عايشة فيه أصلًا من كتر التوهة

كنت بكتب 5 مهام في اليوم وأخلصهم… ولسه عندي 20 حاجة في دماغي مش لاقية مكان أكتبهم فيه، التفاصيل يا جماعة التفاصيل 🙂

فتفضل في دماغي، تزاحم بعض، وتخليني حاسة إني متأخرة رغم إني بعمل حاجات كتير.

وأسوأ حاجة؟

هو الأسبوع مش ملموم ع بعضه ليه؟ ليه كل الصفحات دي عشان أسبوع؟ امال هحكمه ازاي بعيني؟🤏🏻

وأسبوع ورا أسبوع

وحاجات مهمة جدًا اتنست وضاعت

وموضوع الفلوس بقى..

مش محتاجة أقولكوا الإحساس اللي بيجي آخر الأسبوع لما تسأل نفسك:

فلوسي راحت فين بقا؟🫠

وقتها قررت أعمل Planner تحل المشاكل دي فعلًا.. مش مجرد شكل حلو وخلاص.

بلانر تستحمل دماغ مليانة.

بلانر تشيل تفاصيل مهام كتير.

بلانر تخلي الأسبوع كله واضح قدام عيني.

بلانر تخليني واعية بوقتي وفلوسي وحياتي.

ومن هنا بدأت النسخة الأولى 🤍

ومع الاستخدام، ومع تجاربكم، ومع حياتي أنا كمان.

اكتشفنا إن في حاجات أهم محتاجة تكون موجودة.

عشان كده عملنا النسخة الجديدة ✨

• أهدى في الألوان.🤍
• أوضح في تقسيم المهام..

وأقرب للحياة الحقيقية مش الحياة المثالية.

• أضفنا خانة هواية الأسبوع🙂‍↔️

عشان الحياة مش مهام وبس.

• وعدّلنا ميزانية الأسبوع..

عشان العلاقة مع الفلوس تبقى أوضح وأسهل وتعرف تكلمها بلغتك.

• وأضفنا أهم حاجتين ممكن يتنسوا وسط الزحمة:

خانة للصلوات الخمسة طوال الأسبوع 🤍

وخانة للأذكار وورد القرآن.

لأن البلانر عمرها ما كانت بس لتنظيم الشغل.

هي لتنظيم الحياة كلها.

ولو كنتي/كنت من الناس اللي دماغها مش بتسكت…

وعندك مهام كتير…

وحاسس إن الأسبوع بيعدي منك بسرعة…

فالنسخة الجديدة دي اتعملت ليك فعلًا! 👀🤍